Aeg-Electrolux S72300DSX0 Manuale utente

S72300DSX0

SQ

FRIGORIFER ME NGRIRJE UDHËZIMET PËR PËRDORIM

2

CS CHLADNIČKA S MRAZNIČKOU NÁVOD K POUŽITÍ 22

IT

FRIGO-CONGELATORE ISTRUZIONI PER L’USO

41

PËR REZULTATE TË SHKËLQYERA

Faleminderit që zgjodhët këtë produkt AEG. Këtë produkt

e kemi prodhuar që të ketë performancë të plotë për

shumë vite, duke u bazuar në teknologji inovative që e

bëjnë jetën më të thjeshtë – karakteristika të cilat mund

të mos i gjeni në pajisjet e zakonshme. Ju lutemi

kushtojini pak minuta lexim për të marrë maksimumin

prej këtij produkti.

AKSESORË DHE PJESË KONSUMI

Në dyqanin e AEG në internet mund të gjeni gjithçka që

ju nevojitet që pajisjet AEG të kenë një pamje të pastër e

një funksionim të përkryer. Bashkë me një gamë të gjerë

aksesorësh të modeluar dhe prodhuar sipas standardeve

të larta që ju kërkoni, nga enët speciale të gatimit e deri

te mbajtëset e lugëve, thikave e pirunëve, nga mbajtëset e

shisheve e deri te koshat për rrobat e palara…

Vizitoni dyqanin në internet në adresën

www.aeg.com/shop

2

PËRMBAJTJA

4 Të dhëna për sigurinë

7 Funksionimi

7 Përdorimi i parë

8 Përdorimi I përditshëm

9 Udhëzime dhe këshilla të

nevojshme

11 Kujdesi dhe pastrimi

13 Si të veprojmë nëse…

15 Të dhëna teknike

15 Instalimi

Në këtë manual përdorimi janë përdorur

simbolet e mëposhtme:

Udhëzime të rëndësishme për sigurinë tuaj

personale si dhe udhëzime se si të

parandaloni dëmet në pajisje.

Të dhëna të përgjithshme dhe këshilla

Të dhëna për ambientin

Rezervohet mundësia e ndryshimeve.

Përmbajtja

3

TË DHËNA PËR SIGURINË

Në interes të sigurisë tuaj si dhe për një përdorim të saktë, përpara se të instaloni dhe të

përdorni për herë të parë pajisjen, lexoni me kujdes këtë manual të përdoruesit, duke

përfshirë këshillat dhe paralajmërimet. Për të shmangur gabime dhe aksidente të

panevojshme, është e rëndësishme që të gjithë personat që do të përdorin këtë pajisje, të

njohin mirë mënyrën e përdorimit dhe veçoritë e sigurisë. Ruajini këto udhëzime dhe

sigurohuni që t'i bashkëngjiten pajisjes në rast se do ta falni apo do ta shisni atë, në mënyrë

që kushdo që do ta përdorë gjatë jetëgjatësisë së saj, të jetë i mirinformuar për përdorimin e

pajisjes dhe sigurinë ndaj saj.

Për sigurinë e jetës dhe pronës, zbatojini masat paraprake të udhëzimeve të përdorimit, pasi

prodhuesi nuk mban përgjegjësi për dëmtime të shkaktuara nga pakujdesia.

Siguria e fëmijëve dhe personave me probleme

• Kjo pajisje nuk është përshtatur për përdorim nga personat (përfshirë fëmijët) me aftësi

të kufizuara fizike, ndjesore apo mendore, ose me mungesë përvoje dhe njohurish, për sa

kohë nuk janë të mbikëqyrur apo janë udhëzuar si të përdorin pajisjen nga një njeri

përgjegjës për sigurinë e tyre.

Fëmijët duhet të mbikëqyren për t'u siguruar që nuk luajnë me pajisjen.

• Mbajini të gjitha materialet e paketimit larg fëmijëve. Ka rrezik asfiksimi.

• Nëse do ta hidhni pajisjen, hiqni spinën nga priza, pritni kabllon e ushqimit (sa më pranë

pajisjes sa të mundeni) dhe hiqni derën për të parandaluar fëmijët që luajnë të pësojnë

ndonjë goditje elektrike apo të mbyllen vetë brenda.

• Nëse kjo pajisje që përmban brava magnetike të derës do të vendoset në vend të një

pajisjeje të vjetër me bravë në trajtë suste (shul) mbi derë apo mbi kapak, sigurohuni që

ta shkatërroni atë bravë përpara se të hidhni pajisjen e vjetër. Kjo do të parandalojë që

pajisja të kthehet në rrezik vdekjeje për fëmijët.

Siguria e përgjithshme

PARALAJMËRIM

Mos i bllokoni zgavrat e ventilimit, në pajisje apo në strukturën inkaso.

• Pajisja është ndërtuar për të mbajtur ushqimet dhe/ose pijet në shtëpi, siç shpjegohet në

këtë broshurë udhëzuese.

• Mos përdorni asnjë pajisje mekanike apo mjete artificiale për të përshpejtuar shkrirjen e

akullit.

• Mos përdorni pajisje të tjera elektrike (si makinë akulloresh) brenda pajisjeve ftohëse, për

sa kohë që nuk janë përshtatur për këtë nga prodhuesi.

• Mos e dëmtoni qarkun e lëndës ftohëse.

• Gazi ftohës (izobutani) (R600a) që ndodhet në qarkun ftohës të pajisjes, është një gaz

natyror me një nivel të lartë pajtueshmërie me ambientin, por që është gjithsesi i

ndezshëm.

Gjatë transportimit dhe instalimit të pajisjes, sigurohuni që asnjë nga pjesët e qarkut

ftohtës të mos dëmtohet.

4 Të dhëna për sigurinë

Nëse qarku ftohtës dëmtohet:

– shmangni flakët e hapura dhe burimet ndezëse

– ajrosni tërësisht dhomën në të cilën ndodhet pajisja

• Është e rrezikshme të ndryshoni specifikimet apo të përpiqeni ta modifikoni këtë produkt

në çdo mënyrë të mundshme. Çdo dëmtim i shkaktuar në kabllo mund të shkaktojë qark

të shkurtër, zjarr dhe/ose goditje elektrike.

PARALAJMËRIM

Çdo komponent elektrik (kabllo i ushqimit, spina, kompresori) duhet të zëvendësohet nga

një agjent i certifikuar shërbimi ose nga një personeli i kualifikuar i shërbimit për të

shmangur rreziqet.

1. Kablloja e ushqimit nuk duhet të zgjatet.

2. Sigurohuni që spina nuk është shtypur apo dëmtuar nga pjesa e pasme e pajisjes. Një

prizë e shtypur apo e dëmtuar mund të mbinxehet e mund të shkaktojë zjarr.

3. Sigurohuni që priza e pajisjes të jetë lehtësisht e arritshme.

4. Mos e tërhiqni prizën nga kablloja.

5. Nëse priza e ushqimit është e liruar, mos futni në të spinën e ushqimit. Ka rrezik

goditjeje elektrike ose zjarri.

6.

Nuk duhet të vini në punë pajisjen pa kapakun e llambushkës

1)

për ndriçimin e

brendshëm.

• Kjo pajisje është e rëndë. Bëni kujdes kur e lëvizni atë.

• Mos hiqni e mos prekni sende nga dhomëza e ngrirjes nëse i keni duart të njoma, pasi kjo

mund të shkaktojë dëmtim të lëkurës ose djegie të shkaktuara nga bryma/ngrirësi.

• Shmangni ekspozim të gjatë të pajisjes në dritën e drejtpërdrejtë të diellit.

•

Llambushkat

2)

në këtë pajisje përdoren llamba të posaçme të përzgjedhura vetëm për

përdorim në pajisje elektro-shtëpiake. Ato nuk janë të përshtatshme për t'u përdorur për

ndriçim dhome.

Përdorimi i përditshëm

• Mos vendosni enë të nxehta mbi pjesët plastike të pajisjes.

• Mos ruani brenda në pajisje gaz dhe lëng të ndezshëm, pasi këto mund të shpërthejnë.

• Mos vendosni produkte ushqimore drejtpërdrejt në zgavrën e daljes së ajrit që ndodhet

në murin e pasmë.

3)

• Ushqimet e ngrira nuk duhet të ringrihen nëse janë shkrirë njëherë.

• Ushqimet e ngrira të paketuara paraprakisht, ruajini në pajisje sipas udhëzimeve të

prodhuesit të ushqimit.

• Këshillat e prodhuesit të pajisjes për ruajtjen e ushqimeve, duhet t'i ndiqni me përpikmëri.

Këshillohuni me udhëzimet përkatëse.

• Mos vendosni pije të gazuara ose shkumëzuese në dhomëzën e ngrirjes, pasi këto krijojnë

presion brenda shishes dhe mund të shpërthejnë, gjë që do të dëmtojë pajisjen.

• Kubet e akullit mund të shkaktojnë djegie nëse konsumohen direkt nga pajisja.

1) Nëse parashikohet kapak për llambushkën.

2) Nëse parashikohet përdorimi i llambave.

3) Nëse pajisja është Pa formim bryme.

Të dhëna për sigurinë 5

Kujdesi dhe pastrimi

• Përpara se të kryeni veprime për mirëmbajtjen e pajisjes, fikeni atë dhe hiqeni nga priza.

• Mos e pastroni pajisjen me objekte metalike.

• Mos përdorni objekte me majë për të hequr brymën nga pajisja. Përdorni një kruajtëse

plastike.

• Kontrolloni rregullisht sistemin kullues të frigoriferit nëse ka mbetur në të ujë i ngrirë.

Nëse është e nevojshme, pastroni filtrin e kullimit. Nëse tubi kullues është i bllokuar, uji

do të mblidhet në fundin e pajisjes.

Instalimi

Për lidhjet elektrike ndiqni me kujdes udhëzimet e dhëna në paragrafët e veçantë.

• Shpaketoni pajisjen dhe kontrolloni nëse ka dëmtime. Mos e lidhni pajisjen nëse ajo është

e dëmtuar. Raportoni menjëherë dëmtimet e mundshme në vendin ku keni blerë pajisjen.

Në këtë rast, ruajeni paketimin.

• Është e këshillueshme të prisni të paktën katër orë përpara se të lidhni pajisjen, për t'i

lejuar vajit të rrjedhë në kompresor.

• Rrotull pajisja duhet të ketë një qarkullim të mjaftueshëm të ajrit, pasi mungesa e tij do

të shkaktonte mbinxehje. Për të arritur ventilim të mjaftueshëm, ndiqni udhëzimet

përkatëse për instalimin.

• Aty ku është e mundur, pjesa e pasme e produktit duhet të vendoset pas murit për të

shmangur prekjen ose kapjen e pjesëve të nxehta (kompresorit, kondensatorit), e për të

shmangur djegie të mundshme.

• Pajisja nuk duhet vendosur pranë radiatorëve apo sobave.

• Sigurohuni që spina të jetë e arritshme pas montimit të pajisjes.

•

Lidheni vetëm me ujë të pijshëm.

4)

Shërbimi

• Çdo ndërhyrje elektrike e nevojshme për instalimin e kësaj pajisjeje, duhet kryer nga një

elektriçist i kualifikuar ose nga një person i aftë.

• Shërbimi i këtij produkti duhet të kryhet nga një Qendër e autorizuar Shërbimi, si dhe

duhen përdorur vetëm pjesë këmbimi origjinale.

Mbrojtja e Mjedisit

Kjo pajisje nuk përmban gazra që mund të dëmtojnë shtresën e ozonit në qarkun e ftohësit

apo në materialet izoluese. Pajisja nuk duhet të hidhet së bashku me plehrat e tjera të

qytetit. Shkuma izoluese përmban gazra të ndezshëm: pajisja duhet të hidhet në përputhje

me rregullat e zbatueshme të vendosura nga autoritetet tuaja lokale. Shmangni dëmtime në

njësinë ftohëse, veçanërisht në pjesën e pasme pranë shkëmbyesit të nxehtësisë. Materialet

e përdorura për këtë pajisje që kanë simbolin

janë të riciklueshme.

4) Nëse parashikohet një lidhje me ujin.

6 Të dhëna për sigurinë

FUNKSIONIMI

Ndezja

Futni spinën në prizën e murit.

Rrotullojeni Rregullatorin e temperaturës në drejtim orar në një përzgjedhje mesatare.

Fikja

Për të fikur pajisjen, rrotulloni rregullatorin e Temperaturës në pozicionin "O".

Rregullimi i temperaturës

Temperatura rregullohet automatikisht.

Për të venë pajisjen në funksionim, veproni si vijon:

• rrotulloni Rregullatorin e temperaturës drejt një përzgjedhjeje më të ulët, për të përftuar

minimumin e ftohtësisë.

• rrotulloni Rregullatorin e temperaturës drejt një përzgjedhjeje më të lartë, për të përftuar

maksimumin e ftohtësisë.

Një përzgjedhje mesatare është përgjithësisht përzgjedhja më e përshtatshme.

Gjithsesi, përzgjedhja e saktë duhet të zgjidhet duke mbajtur parasysh se temperatura

brenda në pajisje varet nga:

• temperatura e dhomës

• shpeshtësia e hapjes së derës

• sasia e ushqimit të depozituar

• vendndodhja e pajisjes.

Nëse temperatura e ambientit është e lartë ose nëse pajisja është mbushur plot, dhe pajisja

është vendosur në temperaturën më të ulët, ajo mund të punojë pa pushim duke shkaktuar

formimin e ngricës në murin e pasmë. Në këtë rast, rregullatori i temperaturës duhet

vendosur në një përzgjedhje më të lartë për të lejuar shkrirjen automatike dhe si rrjedhojë

reduktimin e konsumit të energjisë.

PËRDORIMI I PARË

Pastrimi i brendësisë së pajisjes

Përpara së te përdorni pajisjen për herë të parë, pastroni pjesën e tij të brendshme dhe

gjithë aksesorët e brendshëm me ujë të vakët dhe pak sapun natyral për të hequr erën tipike

të një produkti të ri, e më pas thajeni tërësisht.

Mos përdorni detergjent apo pluhura gërryese, pasi këto mund të dëmtojnë pjesët e

lëmuara.

Funksionimi

7

PËRDORIMI I PËRDITSHËM

Ngrirja e ushqimeve të freskëta

Dhomëza e ngrirësit është e përshtatshme për ngrirjen e ushqimit të freskët si dhe për

depozitimin e ushqimeve të ngrira për një kohë të gjatë.

Për të ngrirë ushqime të freskëta nuk është e nevojshme të ndryshoni përzgjedhjen

mesatare.

Gjithsesi, për një proces më të shpejtë ngrirjeje, rrotulloni çelësin e temperaturës në një

përzgjedhje më të lartë për të përftuar maksimumin e ftohtësisë.

Në këto kushte, temperatura e dhomëzës së frigoriferit mund të bjerë nën 0°C. Nëse ndodh

kjo, rivendoseni çelësin e temperaturës në një përzgjedhje më të ngrohtë.

Depozitimi i ushqimeve të ngrira

Kur e përdorni për herë të parë ose pas një periudhe jashtë përdorimit, përpara se të futni

produkte në dhomëz, lëreni pajisjen të punojë për të paktën 2 orë në përzgjedhjen më të

lartë.

Në rast të një shkrirjeje aksidentale, për shembull si pasojë e ikjes së korrentit dhe nëse kjo

ka zgjatur në kohë më shumë se vlera e shfaqur në tabelën e të dhënave teknike në pikën

"koha në rritje", ushqimi i shkrirë duhet të konsumohet shpejt ose të gatuhet menjëherë e

më pas të mund të rivendoset në ngrirje (jo të nxehtë, por pasi të jetë ftohur).

Shkrirja e akullit

Ushqimet e ngrira, përpara se të përdoren, mund të shkrihen në dhomëzën ftohëse ose në

temperaturën e dhomës, në varësi të kohës në dispozicion për këtë proces.

Copëzat e vogla të ushqimit mund të gatuhen edhe ndërsa janë ende të ngrira, direkt nga

ngrirësi: në këtë rast, gatimi do të zgjasë më shumë.

Raftet e lëvizshme

Muret e frigoriferit janë të pajisura me një sërë

shinash, në mënyrë që raftet të mund të vendosen

sipas dëshirës.

8 Përdorimi I përditshëm

Vendosja e rafteve të derës

Për të lejuar ruajtjen e pakove të ushqimit me

madhësi të ndryshme, raftet e derës mund të

vendosen në lartësi të ndryshme.

Për të bërë këto rregullime, veproni si vijon:

tërhiqni gradualisht raftin në drejtim të shigjetave

derisa të lirohet, dhe më pas rivendoseni sipas

dëshirës.

UDHËZIME DHE KËSHILLA TË NEVOJSHME

Tingujt e Funksionimit Normal

• Mund të dëgjoni një gurgullimë të lehtë kur frigoriferi pompohet nëpërmjet bobinave ose

tubave. Është normale.

• Kur kompresori është i ndezur, frigoriferi pompon ujin dhe do të dëgjoni një tingull

uturimë dhe një zhurmë dridhëse nga kompresori. Është normale.

• Zgjerimi termik mund të shkaktojë një zhurmë të papritur kërcitëse. Është një fenomen i

natyrshëm dhe jo një fenomen fizik i rrezikshëm. Është normale.

• Kur kompresori ndizet ose fiket, do të dëgjoni një "klik" të zbehtë të çelësit të

temperaturës. Është normale.

Këshilla për kursimin e energjisë

• Mos e hapni shpesh derën e frigoriferit ose mos e lini atë absolutisht të hapur më shumë

se ç'duhet.

• Nëse temperatura e ambientit është e lartë, Rregullatori i Temperaturës është vendosur

në përzgjedhjen më të lartë dhe pajisja është e mbushur plot, kompresori mund të punojë

pa pushim duke shkaktuar formimin e ngricës ose akullit në aparatin e avullimit. Nëse kjo

gjë ndodh, rrotulloni Rregullatorin e Temperaturës drejt një përzgjedhjeje më të ulët për

të lejuar shkrirjen automatike dhe si rrjedhojë kursimin e konsumit të energjisë.

Këshilla për ftohjen e ushqimeve të freskëta

Për të arritur një funksionim më të mirë:

• mos depozitoni ushqime të ngrohta apo lëngje që avullojnë në ftohës;

• mbuloni me kapak ose mbështillni ushqimin, veçanërisht nëse ka një erë të fortë;

• vendoseni ushqimin në mënyrë të tillë që ajri të qarkullojë lirshëm rreth tij.

Këshilla për ftohjen

Këshilla të nevojshme:

Udhëzime dhe këshilla të nevojshme 9

Mish (të gjitha llojet) : mbështillini në qeska polietileni dhe vendosini mbi raftin e xhamit që

ndodhet mbi sirtarin e perimeve.

Për siguri, ruajini në këtë mënyrë jo më shumë se një ose dy ditë.

Ushqime të gatuara, gatesa të ftohta, etj..: këto duhet të mbulohen dhe mund të vendosen

në çdo raft.

Frutat dhe perimet: këto duhet të pastrohen mirë dhe të vendosen në sirtarin e posaçëm.

Gjalpi dhe djathi: këto duhet të vendosen në mbajtëset e posaçme hermetike ose të

mbështjella në letër alumini ose qeska prej polietileni, për të lejuar brenda sa më pak ajër të

jetë e mundur.

Shishet e qumështit: këto duhet të kenë një kapak dhe duhet të vendosen në mbajtësen e

shisheve tek dera.

Bananet, patatet, qepët dhe hudhrat, nëse nuk janë të paketuara, nuk duhet të mbahet në

ftohës.

Këshilla për ngrirjen

Për t'ju ndihmuar të kryeni pjesën më të madhe të procesit të ngrirjes, ja tek keni disa

këshilla të rëndësishme:

• sasia maksimale e ushqimit që mund të ngrihet në 24 orë. është shfaqur në tabelën e

vlerave;

• procesi i ngrirjes zgjat 24 orë. Nuk duhet shtuar ushqim tjetër për t'u ngrirë gjatë kësaj

periudhe;

• ngrini vetëm ushqime të cilësisë më të lartë, të freskëta dhe të pastruara mirë;

• përgatitni ushqimin në racione të vogla për të mundësuar ngrirjen e tij të shpejtë dhe të

plotë si dhe për të bërë të mundur si rrjedhojë shkrirjen e tij në sasinë e dëshiruar;

• mbështilleni ushqimin me letër alumini ose polietileni dhe sigurohuni që paketimi të jetë

hermetik;

• mos lejoni ushqimet e freskëta, të pangrira, të prekin ushqimet që janë tashmë të ngrira,

në mënyrë që të shmangni një rritje temperature të këtyre të fundit;

• ushqimet pa dhjamë ruhen më mirë dhe më gjatë se ushqimet e yndyrshme; kripa

redukton jetëgjatësinë e ruajtjes së ushqimit;

• akujt e ujit, nëse konsumohen menjëherë pas nxjerrjes nga dhomëza e ngrirjes, mund të

shkaktojnë djegie të lëkurës nga ngrirja;

• është e këshillueshme të shënoni në çdo pako ushqimi të ngrirë datën e ngrirjes, për të

pasur parasysh kohën e ruajtjes.

Këshilla për depozitimin e ushqimeve të ngrira

Për të arritur një rendiment sa më të lartë nga kjo pajisje, duhet:

• të siguroheni se ushqimet e ngrira që keni blerë janë ruajtur siç duhet nga shitësi;

• të siguroheni se ushqimet e ngrira të transportohen nga dyqani në ngrirës, në një kohë

sa më të shkurtër;

• të mos e hapni shpesh derën e frigoriferit ose mos e lini atë absolutisht të hapur më

shumë se ç'duhet;

• pasi e keni shkrirë, ushqimi prishet shpejt dhe nuk mund të ngrihet sërish;

• mos e tejkaloni periudhën e ruajtjes të përcaktuar nga prodhuesi i ushqimit.

10 Udhëzime dhe këshilla të nevojshme

KUJDESI DHE PASTRIMI

KUJDES

Shkëputeni nga korrenti pajisjen përpara se të kryeni çdo veprim mirëmbajtjeje.

Kjo pajisje përmban hidrokarbon në njësinë e saj ftohëse; për këtë arsye, mirëmbajtja dhe

ringarkimi duhet të kryhen vetëm nga teknikë të autorizuar.

Pastrimi periodik

Pajisja duhet pastruar rregullisht:

• Pastroni brendësinë dhe aksesorët me ujë të vakët dhe me pak sapun.

• Kontrolloni rregullisht bravat e derës dhe pastrojini ato për t'u siguruar që janë të pastra

dhe nuk kanë papastërti.

• Shpëlajeni dhe thajeni tërësisht.

Mos tërhiqni, lëvizni apo dëmtoni asnjë tub dhe/ose kabllot brenda kabinetit.

Mos përdorni kurrë detergjent, pluhura gërryese, produkte pastruese me shumë erë të mirë

ose pastrues me dyll për të pastruar brendësinë e pajisjes, pasi këto mund të dëmtojnë

sipërfaqet dhe mund të lënë një erë të fortë.

Pastroni kondensatorin (skarën e zezë) dhe kompresorin në pjesën e pasme të pajisjes, me

një furçë. Ky veprim do të përmirësojë rendimentin e pajisjes dhe do të kursejë konsumin e

energjisë.

Kujdesuni që të mos dëmtoni sistemin ftohës.

Shumë pastrues për sipërfaqe kuzhine përmbajnë kimikate që mund të sulmojnë/dëmtojnë

lëndën plastike të përdorur në këtë pajisje. Për këtë arsye, këshillohet që veshja e jashtme e

kësaj pajisjeje të pastrohet vetëm me ujë të ngrohtë me pak lëng larës.

Pas pastrimit, rilidheni pajisjen me ushqimin kryesor.

Shkrirja e frigoriferit

Bryma eliminohet automatikisht nga avulluesi i dhomëzës së ftohësit sa herë që kompresori

ndalon, gjatë përdorimit normal. Uji i shkrirjes kullon nëpërmjet një zgavre në një mbajtëse

të posaçme që ndodhet në pjesën e pasme të pajisjes, mbi kompresorin e motorit, ku dhe

avullon.

Kujdesi dhe pastrimi

11

Është e rëndësishme të pastroni periodikisht

vrimën kulluese të ujit të shkrirjes, që ndodhet në

mes të kanalit të dhomëzës së ftohjes, për të

parandaluar që uji të rrjedhë jashtë e të pikojë mbi

ujë. Përdorni pastruesin e posaçëm që ju është

dhënë, të cilin do ta gjeni të futur në vrimën e

kullimit.

Shkrirja e ngrirësit

Një sasi e caktuar ngrice do të formohet gjithmonë në raftet e ngrirësit dhe rreth e përqark

dhomëzës së sipërme.

Shkrini ngrirësin kur shtresa e brymës arrin një trashësi prej 3-5 mm.

Për të hequr brymën e formuar, ndiqni udhëzimet e mëposhtme:

1. Fikni pajisjen.

2. Hiqni çdo ushqim nga brenda, paketojini me disa shtresa gazete dhe vendosini në një

vend të freskët.

3. Lëreni derën hapur.

4. Kur procesi i shkrirjes ka përfunduar, thani pjesët e brendshme të pajisjes tërësisht dhe

rivendoseni tapën.

5. Ndizni pajisjen.

6. Vendoseni çelësin e temperaturës në pozicion të tillë që të përftoni ftohtësinë

maksimale dhe lëreni pajisjen të punojë për dy ose tre orë me këtë përzgjedhje.

7. Rivendosni në pajisje ushqimet që hoqët më parë.

Mos përdorni kurrë vegla metalike me majë për të kruar brymën nga avulluesi pasi mund ta

dëmtoni atë. Mos përdorni asnjë aparat mekanik apo mjete artificiale për të përshpejtuar

procesin e shkrirje, veç atyre të rekomanduara nga prodhuesi. Ngritja e temperaturës së

pakove të ushqimit të ngrirë, gjatë shkrirjes, mund t'i shkurtojë jetën ruajtjes së ushqimit.

Kohë të gjata mos-përdorimi

Kur pajisja nuk përdoret për periudha të gjata, merrni masat paraprake të mëposhtme:

1. shkëputeni pajisjen nga energjia elektrike

2. nxirrini gjithë ushqimet jashtë

3. shkrini dhe pastroni pajisjen dhe gjithë aksesorët e saj

4. lëreni derën/dyert hapur për të parandaluar erërat e pakëndshme.

12 Kujdesi dhe pastrimi

Nëse pajisjen do ta mbani të ndezur, kërkojini dikujt të kontrollojë herë pas herë për të

shmangur prishjen e ushqimit brenda, në rast të luhatjeve elektrike.

SI TË VEPROJMË NËSE…

PARALAJMËRIM

Përpara se të kryeni veprime për mirëmbajtjen e pajisjes, hiqeni atë nga priza.

Vetëm elektricistët e kualifikuar ose personat kompetentë duhet të merren me rregullimet

apo defektet që nuk janë në këtë manual.

Gjatë përdorimin normal dëgjohen disa tinguj (nga kompresori, qarkullimi i lëndës ftohëse).

Problemi Shkaku i mundshëm Zgjidhja

Pajisja bën zhurmë Pajisja nuk është mbështetur

mirë në dysheme

Kontrolloni nëse pajisja qëndron

pa lëvizur (të katër këmbët e saj

duhet të kenë prekur tokën)

Pajisja nuk punon.

Llambushka nuk

funksionon.

Pajisja është e fikur. Ndizni pajisjen.

Spina nuk është futur mirë në

prizë.

Futeni spinën mirë në prizë.

Pajisja nuk ka korrent. Në prizën

kryesore nuk kalon tension.

Lidhni një pajisje të ndryshme

elektrike në prizë.

Kontaktoni një elektricist të

kualifikuar.

Llambushka nuk punon. Llambushka është në gatishmëri. Mbyllni dhe hapni derën.

Llambushka është me defekt. Shihni kapitullin "Zëvendësimi i

llambushkës".

Kompresori funksionon

vazhdimisht.

Temperatura nuk është vendosur

si duhet.

Vendosni një temperaturë më të

lartë.

Dera nuk është mbyllur mirë. Shihni kapitullin "Mbyllja e derës".

Dera është hapur shumë shpesh. Mos e mbani derën hapur më

shumë se ç'duhet.

Temperatura e produktit është

shumë e lartë.

Lëreni temperaturën e produktit

të bjerë në temperaturën e

ambientit, përpara se ta lini në

ruajtje.

Temperatura e ambientit është

shumë e lartë.

Ulni temperaturën e dhomës.

Në pllakën e pasme të

frigoriferit rrjedh ujë.

Gjatë procesit automatik të

shkrirjes, bryma shkrin në

pllakën e pasme.

Kjo është normale.

Si të veprojmë nëse… 13

Problemi Shkaku i mundshëm Zgjidhja

Brenda në frigorifer rrjedh

ujë.

Tubi i daljes së ujit është

bllokuar.

Pastroni tubin.

Produktet e pengojnë ujin të

rrjedhë në kolektorin e ujit.

Sigurohuni që produktet të mos

prekin pllakën e pasme.

Uji rrjedh në dysheme. Uji i shkrirë që del jashtë nuk

shkon në tabakanë avulluese që

ndodhet mbi kompresor.

Bashkoni tubin e daljes së ujit të

shkrirë me tabakanë avulluese.

Temperatura në pajisje

është shumë e ulët.

Rregullatori i temperaturës nuk

është vendosur si duhet.

Vendosni një temperaturë më të

lartë.

Temperatura në pajisje

është shumë e lartë.

Rregullatori i temperaturës nuk

është vendosur si duhet.

Vendosni një temperaturë më të

ulët.

Dera nuk është mbyllur mirë. Shihni kapitullin "Mbyllja e derës".

Temperatura e produktit është

shumë e lartë.

Lëreni temperaturën e produktit

të bjerë në temperaturën e

ambientit, përpara se ta lini në

ruajtje.

Keni futur shumë produkte

njëkohësisht në pajisje.

Futni më pak produkte

njëkohësisht në pajisje.

Temperatura në frigorifer

është shumë e lartë.

Në pajisje nuk qarkullon ajër i

ftohtë.

Sigurohuni që në pajisje të

qarkullojë ajër i ftohtë.

Temperatura në ngrirës

është shumë e lartë.

Produktet janë shumë afër me

njëri-tjetrin.

Vendosini produktet në mënyrë të

tillë që ajri i ftohtë të mund të

qarkullojë.

Ka shumë brymë. Ushqimi nuk është paketuar siç

duhet.

Paketojeni ushqimin në mënyrë të

saktë.

Dera nuk është mbyllur mirë. Shihni kapitullin "Mbyllja e derës".

Rregullatori i temperaturës nuk

është vendosur si duhet.

Vendosni një temperaturë më të

lartë.

Zëvendësimi i llambushkës

1. Shkëputeni pajisjen nga priza.

2. Hiqni vidhën nga kapaku i llambës.

3. Hiqni kapakun e llambës (shihni figurën).

4. Zëvendësojeni llambushkën e përdorur me

një llambushkë të re të së njëjtës fuqi dhe

të projektuar enkas për pajisjet elektro-

shtëpiake. (fuqia maksimale tregohet në

kapakun e llambushkës).

5. Montoni kapakun e llambës.

6. Shtrëngoni vidhën te kapaku i llambës.

7. Futeni në prizë pajisjen.

8. Hapni derën. Sigurohuni që llambushka të ndizet.

14 Si të veprojmë nëse…

Mbyllja e derës

1. Pastroni guarnicionin e derës.

2. Nëse është e nevojshme, rregulloni derën. Shihni paragrafin "Instalimi".

3. Nëse është e nevojshme, zëvendësoni guarnicionet me defekt të derës. Kontaktoni

Qendrën lokale të Shërbimit.

TË DHËNA TEKNIKE

Përmasat

Lartësia 1404 mm

Gjerësia 545 mm

Thellësia 604 mm

Koha në rritje 19 h

Tensioni 230 V

Frekuenca 50 Hz

Të dhënat teknike ndodhe në tabelën e vlerave që gjendet në anë të majtë brenda pajisjes

dhe në etiketën e energjisë.

INSTALIMI

PARALAJMËRIM

Lexoni me kujdes kapitullin "Të dhëna për sigurinë" për sigurinë tuaj si dhe për një përdorim

të saktë të pajisjes, përpara se të instaloni atë.

Pozicionimi

Kjo pajisje mund të instalohet në një ambient të mbyllur, të thatë e të ajrosur mirë (garazh

ose qilar), por për rendiment optimal instalojeni këtë pajisje në një vend ku temperatura e

ambientit i korrespondon klasit të klimës të shënuar në etiketën e parametrave të pajisjes:

Klasi i klimës Temperatura e ambientit

SN +10°C deri + 32°C

N +16°C deri + 32°C

ST +16°C deri + 38°C

T +16°C deri + 43°C

Ndarësit e pasmë

Në çantën e dokumenteve, do të gjeni dy ndarës që duhet të montohen siç tregohet në

figurë.

Të dhëna teknike

15

1. Vendosini ndarësit në vrimat përkatëse.

Sigurohuni që shigjeta (A) është vendosur

siç tregohet në figurë.

2. Rrotullojini ndarësit në drejtim

kundërorar me 45° derisa të mbërthehen

në vend.

Nivelimi

Kur vendosni pajisjen, sigurohuni që të qëndrojë e niveluar. Kjo mund të arrihet nëpërmjet

dy këmbëzave të rregullueshme në pjesën e poshtme ballore.

45˚

A

16 Instalimi

Vendosja

Pajisja duhet të vendoset në një distancë të

konsiderueshme nga burimet e nxehtësisë, si p.sh.

radiatorët, boilerët, drita e drejtpërdrejtë e diellit

etj. Sigurohuni që ajri të mund të qarkullojë lirisht

pas kasës së pajisjes. Për të siguruar performancën

më të mirë, nëse pajisja është vendosur poshtë një

pajisjeje të varur në mur, distanca minimale mes

pjesës së sipërme të kasës dhe njësisë në mur

duhet të jetë të paktën 100 mm. Në një rast ideal,

do të ishte mirë që pajisja të mos vendosej poshtë

njësive që varen në mur. Nivelimi i kujdesshëm

arrihet përmes një ose më shumë këmbëzave të

rregullueshme që ndodhen nën dollap. Nëse

dollapi është vendosur në një qoshe dhe pjesët anësore me menteshat janë përballë murit,

distanca midis murit dhe dollapit duhet të jetë të paktën 10 mm për të lejuar hapjen e

mjaftueshme të derës, në mënyrë që raftet të nxirren jashtë.

PARALAJMËRIM

Pajisja duhet të mund të shkëputet lirisht nga korrenti; si rrjedhojë, spina duhet të jetë

lehtësisht e arritshme pas montimit.

Ndryshimi i kahut të derës

Për të kryer veprimet e mëposhtme, ju sugjerojmë që këtë ta kryeni së bashku me një person

tjetër që do të mbajë të palëvizshme dyert e pajisjes gjatë procesit.

Për të ndryshuar drejtimin e hapjes së derës, ndiqni këta hapa:

1. Hiqni spinën nga priza e korrentit.

2. Hapeni derën e ngrirësit. Lironi

menteshën.

15mm

15mm 100mm

Instalimi 17

3. Hiqni dyert duke i tërhequr ato ngadalë

dhe hiqni menteshën.

4. Në anën e kundërt, hiqni kapakët e

vrimës.

3

2

1

18 Instalimi

5. Zhvidhosni dy këmbëzat e

rregullueshme dhe vidhat e menteshës

së poshtme të derës. Hiqni menteshën e

poshtme të derës dhe montojeni atë në

anën e kundërt.

6. Zhvidhosni vidhën e poshtme anësore

dhe montojeni në anën e kundërt.

7. Zhvidhosni kunjin mbajtës të derës.

Instalimi 19

8. Vidhoseni sërish kunjin në anën tjetër.

9. Mbërthejini dyert në kunja dhe montoni

derën. Montoni menteshën.

10. Në anën e kundërt, instaloni kapakët e

vrimës.

11. Shtrëngojeni menteshën. Sigurohuni që

dyert të jenë në nivel.

12.

Hiqni dhe montoni dorezën

5)

në krahun

e kundërt.

13. Rivendoseni dhe nivelojeni pajisjen,

prisni për të paktën katër orë dhe më

pas lidheni atë në prizë.

Bëni një kontroll përfundimtar për t'u

siguruar që:

• Të gjitha vidat janë shtrënguar.

• Dera hapet dhe mbyllet në mënyrë të

saktë.

3

2

1

5) Nëse parashikohet

20 Instalimi

La pagina sta caricando ...

Aeg-Electrolux S72300DSX0 Manuale utente

Aeg-Electrolux S72300DSX0 Manuale utente

in altre lingue

Documenti correlati

Altri documenti